متوحشة

داخل كل واحد فينا حيوان متوحش
احنا بس اللي نتحكم فيه
احنا اللي نلجمه ونخشه في اعماقنا الدفينة
واحنا اللي انشجعة وانخليه يهدم كل شي جدامه
...
اعترف ان لي وجه ثاني احاول دوم اني اخشه
لكن مرات وبدون وعي مني اخليه يهدم
بالذات لما احس بتهديد او باختراق لاحد جدارياتي
وبالنهاية تنهدم الجدارية والشخص اللي واقف جدامها
والاقي نفسي وحيدة لكن في هدوء غريب ومريح
...

امس مثلا طلع الوحش شويه وقرر انه يحل وضع لوعه

انا راكبة سيارتي بامان الله

والا واحد مليق هيلقي سخيف لاحقني

اصلا شخباري هالنوع لي الحين موجود -املق- يعني ليش ما يستخدمون التكنولوجيا

في بلوتوث وفي نت وفي شات وفي دوامات متروسة بنات هذا غير الاسوقه

يعني اللي يمر الكورنيش في الويك اند ممكن ياخذ فكرة عن قصدي

بنات زي الورد -بكيني وشي -ولا بعد كلهم زقرت وكشخة

مو اللي خبري خبركم ملوت المسيلة بيتش يوم الحريم

عموما ارد حق سالفتي الحبيب قام يترك شكيت قلت اكيد مو قصدة

كملت لي الدوار شان اخذ لفتين والريال وراي مكمل

طاق الدورة مرتين لاه الحبيب قاصدني

واللي يحر ان سيارته حدها قرنبع لوعا

لوعا

يعني شهالحظ لو بالكويت كلها ما كو الا هالهيلقي والديره كلها بنات هم يهدهم ويجابل ويهي

حسافة على ويهي

اقول تيتي زي ما رحتي قيتي

وي يا حظي

وفوق شينه قوات عينه يترك ويطق هرنات

حدي عصبت

يوم وصلت لفة البيت والحبيب دايس وراي

عطيته بريك من قلب

حسيت قلبه طاح ببطنة من الخرعة

لحق قبل لا يدعم بشعره

طبعا طلع مفور من سيارته وقاعد يصرخ

اهم شي اني كنت داقه على الوالد علشان يطلع مع اخوي يعطونه المقسوم

الحبيب قاعد يطق جامة سيارتي ما وعا الا اخوي ياره من عتراه

لووووووووووووووووووووووووووووووووووول

خذاله علقة محترمة

حدي ظحكت وكل ما اتذكر شكل ويهه ارد اضحك

صج الشماته مو زينة

بس تبون الصج وناسة

يستاهل محد قاله يلحق بنات الحمايل